പോസ്റ്റുകള്‍

July, 2017 തൊട്ടുള്ള പോസ്റ്റുകൾ കാണിക്കുന്നു

വിരഹാര്‍ദ്രം

വിരഹാര്‍ദ്രം
കണ്ടനാള്‍മുതല്‍ സ്വന്തമായിടാന്‍ രണ്ടുപേരുമങ്ങാശയായ്
നീണ്ടനാളുകള്‍ പ്രേമസാഗരം നീന്തിവന്നു പിന്നകന്നതും
നീര്‍ തുളുമ്പുമായക്ഷിയോടെ നീ ചാരെ കണ്‍മൊഴീ ചൊന്നതും
നിന്‍റെ കണ്ണിലേ പ്രേമദാഹമെന്‍ നെഞ്ചിലേറ്റതാം നൊമ്പരം
ഓമലാളുടെയോര്‍മ്മയില്‍ ദിനം വാടുമെന്‍ മനം പാതിയായ്
ഒന്നു കാണുവാനെത്രനാളു ഞാന്‍ കാത്തിരിക്കണം കാതരേ
നിന്‍റെ മോഹവും എന്‍റെ ദാഹവും മൂകമാരിയായ് പെയ്യുവാന്‍
നിന്നെ ഞാന്‍ തനിച്ചാക്കിവന്നതിന്‍ മാനസം വിരഹാര്‍ദ്രമായ്
പൊങ്ങി, താണിതെന്‍ നെഞ്ചിടിപ്പിലേ താളമൊന്നവതാളമായ്
സ്വപ്നമായിനീയെന്നുമെത്തിടും നിദ്രതന്നിലെന്‍ കണ്മണീ
നിന്നെയോര്‍ത്തിടും വേളയില്‍ സദാ തേങ്ങിടുന്നിതെന്‍ മാനസം
ആഴമാകുമീ സ്നേഹമൊക്കെയും പാരിലെന്നുമേ വിരഹം


ലക്ഷണം

ലക്ഷണം

ലക്ഷണമുള്ളവരെല്ലാമെന്നും
നല്ലവരാകണമെന്നില്ലാ ഹേ !
ലക്ഷണമുള്ളൊരു മേലാളന്‍ ദേ
ലക്ഷ്യം നന്നല്ലവനുടെയുള്ളില്‍
നാടു ഭരിക്കും മന്ത്രിയെയെല്ലാം
കോടികള്‍ കാട്ടി, ബുദ്ധി മറയ്ക്കും
ബുദ്ധി മറഞ്ഞൊരു മന്ത്രി പിന്നെ
മേലാളന്മാര്‍ക്കടിമയുമാകും
ബൊമ്മകളായി തലയാട്ടീടാന്‍
ഇല്ലൊരുളുപ്പുമവര്‍ക്കോ തെല്ലും
കഷ്ടം കൂടാതങ്ങു ലഭിക്കും
കാശും കീശയിലിട്ടു നടന്നു
തിന്നുകൊഴുത്താലുള്ളം നിറയും
പീഡനമെന്നൊരു കര്‍മ്മം ലക്ഷ്യം
ലക്ഷണമൊത്തൊരു പണ്ഡിതരിപ്പോള്‍
പീഡനകര്‍മ്മമതില്‍ ശ്രേഷ്ഠന്മാര്‍
ലക്ഷണമില്ലാത്തവരും ഭൂവില്‍
നല്ലവരെന്നു നിനച്ചിടവേണ്ടാം
ഒറ്റക്കൈയന്‍ ചാമിയൊരുത്തൻ
കാട്ടിക്കൂട്ടിയ കാര്യമതെല്ലാം
ഉള്ളില്‍ നുരയായ്ത്തങ്ങുമതെന്നും
നാടു മറപ്പതസാദ്ധ്യംതന്നെ
നല്ലൊരു ശിക്ഷ വിധിച്ചീടാനോ
ന്യായാധിപനും ധൈര്യമതില്ലാ
ഉപ്പില്‍ മാങ്ങ ചുരുങ്ങിയപോലെ
ഉള്ളില്‍പ്പോയവന്‍ സുന്ദരനായി
തീറ്റിപ്പോറ്റിവളര്‍ത്തീട്ടവനെ
ഹീറോയാക്കി വെളിയിലിറക്കും
നല്ലൊരു മനമിന്നുണ്ടായെന്നാല്‍
തേജോവധമേയവനു ലഭിക്കൂ.
കുറ്റക്കാരെ പൊക്കിനടന്നാൽ
കുറ്റം ചെയ്യാൻ വാസനയേറും.
ലക്ഷ്യഗുണാദികള്‍ നന്നായെന്നാല്‍
സമ്പത്തില്ലായവനുടെ കൈയില്‍

സമ്പത്തിന്‍ കുറവില്ലെന്നാലും

ലക്ഷണ…

കുയില്പ്പാട്ട്

കുയില്പ്പാട്ട്
കളകളം പാടിയെന്നങ്കണത്തിങ്കലായ് കിളിമകള്‍ നിത്യവും വന്നൂ വിളിച്ചിടും കുയിലവള്‍ പാടുന്ന പാട്ടുകള്‍ കേട്ടു ഞാന്‍ അനുകരിച്ചീടുവാനുമ്മറത്തെത്തവേ

അവളുടേ പാട്ടിന്‍റെ കൂടെ ഞാന്‍ പാടിയാല്‍ ഉടനേയവള്‍ക്കങ്ങുകോപമായ് പിന്നെയാ സ്വരമൊന്നുയര്‍ത്തീട്ടു പാടിനോക്കീടുന്നു ക്ഷമയോടെമിണ്ടാതെകാത്തിരിക്കും പുന:

ഒരുവേള ഞാനൊന്നു പാടിയാലോയെന്‍റെ സ്വരമതില്‍ പാടുന്നു കിളിമകള്‍ ഹര്‍ഷമായ് അവളോടു ചേര്‍ന്നൊന്നു പുലരിയില്‍പ്പാടിയാല്‍ ശുഭകരംതന്നെയാണന്നെന്‍റെ ചിന്തകള്‍
ഒരുനാളുപോലുമാ കുയിലിനെക്കാണാതെ, അവളുടേ മണിനാദമൊന്നു കേട്ടീടാതെ അവളേയനുകരിച്ചൊന്നുപാടീടാതേ പുലരുന്നതില്ലയെന്‍ പൊന്നുഷസ്സൊന്നുമേ

ഓണക്കാലം

ഓണക്കാലം
ആവണി മാസമായോണം വരവായി മാവേലി മന്നനെഴുന്നള്ളാന്‍ നേരമായ് സന്തോഷനാളുകള്‍ക്കടയാളമായങ്ങു മാനത്തു കണ്ടിടാമോണനിലാവിനി
ചിങ്ങനിലാവിലെന്‍ ബാല്യം തെളിഞ്ഞിടും ഓണത്തിന്നോര്‍മ്മകള്‍ ഊഞ്ഞാലിലാടിടും അത്തം പിറന്നാലങ്ങോര്‍മ്മയിലെത്തിടും പൂക്കളിറുക്കുമാ ചേമ്പിലക്കുമ്പിളും
അത്തം പിറന്നല്ലോ മുറ്റത്തൊരുക്കണ്ടേ ചിത്തം കുളിര്‍ക്കുമൊരോണക്കളമതും തുമ്പപ്പൂവേ, വായോ ആമ്പല്‍പ്പൂവുമായ് ചെത്തി, മന്ദാരത്തോടൊപ്പം വായോ നീയും
വൃത്തത്തില്‍ തീര്‍ക്കുമോരത്തക്കളത്തിനും ചിത്തിര, ചോതിക്കും തുമ്പക്കുടം മാത്രം ഇല്ലിമുള്‍ക്കമ്പാലെ താമര തീര്‍ത്തതില്‍ വിശാലമായൊരു വിശാഖക്കളം വേണം
അനിഴം, തൃക്കേട്ട തന്‍ നാളുകളില്‍ പല വര്‍ണ്ണത്തില്‍ത്തീര്‍ക്കുന്ന വട്ടക്കളങ്ങളും മൂലം നാളില്‍ നാലു മൂലതിരിക്കണം പൂരാടം പൂക്കളിന്‍ പൂരവുമാക്കണം
ഉത്രാടം നാളിലായിറുക്കുന്നു പൂക്കളാല്‍ വമ്പന്‍ കളമൊന്നൊരുക്കീടുക വേണം സായന്തനമായാല്‍ പൂ മാറ്റി  തറകെട്ടി അരിമാവുകൊണ്ടങ്ങണിയിച്ചൊരുക്കണം
വാമനരൂപനാമോണത്തപ്പന്മാര്‍ക്കും മേലാകെ വട്ടത്തില്‍ പൊട്ടു കുത്തീടണം ഉത്രാടരാവിലുറങ്ങാത്ത കണ്ണുമായ് പൂപ്പന്തലിട്ടതില്‍ തോരണം തൂക്കണം
തിരുവോണനാളിലോ പൂവടയുണ്ടാക്കി അവിലും മലരുമായ് വിളക്കത്തുവയ്ക്കണം ഒന്നായിട്…

ഉണ്ണിമോള്‍ക്കൊരു താരാട്ട്.

ഉണ്ണിമോള്‍ക്കൊരു താരാട്ട്.
ഉണ്ണിമോളെന്‍ പൊന്നുമോളാരിരോ ആരീരാരീ...രാരാരിരോ ജന്മ സാഫല്യമേ നീയുറങ്ങു ഉണ്ണി വാവേ നീയുറങ്ങു
പട്ടുനൂല്‍ കൊണ്ടൊരു തൊട്ടില്‍കെട്ടി എന്‍ ഹൃദയം മെത്തയാക്കി പൂമെയ്യു നോവാതതില്‍ക്കിടത്തി താരാട്ടു ഞാന്‍ പാടുമല്ലോ
നന്മതന്‍ മേടുകള്‍ നോക്കിവേണം നിന്‍ പാദങ്ങള്‍ നീങ്ങീടുവാന്‍ നല്ലവളായി നീ വളരേണം സര്‍വ്വരും വാഴ്ത്തീടണം
നിന്‍നേരെ നീളുന്ന കൈകള്‍ക്കെന്നും കരുത്തറ്റു പോയീടുവാന്‍

ഉണ്ണിക്കുട്ടനു പിറന്നാള്‍

ഉണ്ണിക്കുട്ടനു പിറന്നാള്‍


രണ്ടാം പിറന്നാളതു ഘോഷമാക്കാം

ഒന്നങ്ങൊരുങ്ങീടു പ്രസിദ്ധുമോനേ

ഉണ്ണിക്കുടുക്കാന്‍ പുതിയോരുടുപ്പും

പത്തംഗുലീയില്‍ കനകാംഗുലീയം

ഹസ്തേ കിലുങ്ങാനിരു കങ്കണങ്ങള്‍

പാദം ചലിക്കും തളയോടു ചേര്‍ന്നും

തങ്കക്കഴുത്തില്‍ മണിമല വേണം

കേശത്തിലോ പീലി, കിരീടമോടേ

തങ്കത്തിലുള്ളോരു മണ്ഡനത്തില്‍

മിന്നിത്തിളങ്ങീടണമന്നുകണ്ണന്‍

കൊഞ്ചിച്ചിരിച്ചീടണമെന്‍റെയുണ്ണീ

കണ്ടങ്ങു ചിത്തം കൊതിപൂണ്ടിടേണം

അപ്പം, വട, യെള്ളുണ്ട, യുപ്പേരികള്‍

പാല്പ്പായസം, പപ്പടവും പഴത്താല്‍

ഉച്ചയ്ക്കു സദ്യാ വിഭവങ്ങളൊക്കേ

നന്നായൊരുക്കീക്കരുതീടവേണം

ഉള്ളം കവിഞ്ഞങ്ങുദരം നിറഞ്ഞും

വാഴ്ത്തേണമെല്ലാരുമൊന്നുപോലെ

ആയുസ്സുമാരോഗ്യസുഖങ്ങളോടേ

ശോഭിച്ചു വാഴാന്‍ വരമേകു കൃഷ്ണാ



ആധി

ആധി
ഭാരതം മൊത്തവും പീഡനത്താല്‍ പേടിച്ചു വാഴുന്ന കാലമായി വീട്ടിന്‍റെയുള്ളില്‍ ഇരിക്കാന്‍ ആധി റോഡിലിറങ്ങി നടക്കാനും ആധി വൃദ്ധയായമ്മയെ വീട്ടില്‍ വിട്ടിട്ടങ്ങു ജോലിക്കുപോകാനുമുണ്ടൊരാധി എല്‍കേജിക്കുട്ടിയെപ്പോലുമിന്നൊന്നു സ്കൂളിലാക്കീട്ടു പോരാനാധി നാടിന്‍റെയിത്തരം പോക്കുകണ്ടെന്നാല്‍ എങ്ങുചെന്നെത്തുമെന്നുണ്ടൊരാധി പീഡനംപീഡനം തന്നെയാണെങ്ങും
ഭാരതാംബയ്ക്കിന്നു സ്വൈര്യക്കേടായീ

അമ്പലപ്പറമ്പ്

അമ്പലപ്പറമ്പ്
പാലിയംതൃക്കോവിലുത്സവംകാണുവാന്‍ നാടാകെയൊന്നങ്ങൊരുങ്ങുന്ന കണ്ടൊ പാമ്പാടിരാജന്‍റെ വീരത്തിലുള്ളോരു നോട്ടത്തിലാണല്ലൊ കൗതുകമെന്നും പഞ്ചാരിമേളവും പാണ്ടികൊട്ടും കേട്ടു ഉത്സവത്തിന്‍റെ മയക്കത്തിലായീ നാടുമീ നാട്ടാരുമൊന്നുപോലെന്നുമേ സര്‍വ്വം മറന്നങ്ങുത്സവം കൊണ്ടാടി ആറാട്ടു മുങ്ങിയാ ഗജവീരന്‍ പോയി
അമ്പലപ്പറമ്പിന്‍റെ ചന്തവും പോയി